विराटनगर । नेपाली कांग्रेसका नेता तथा मोरङ निर्वाचन क्षेत्र ६ बाट नवनिर्वाचित प्रतिनिधिसभा सदस्य डा. शेखर कोइरालाले जनताले दिएको अभिमतले दलहरुप्रतिको निरासा उजागर भएको बताएका छन् । दलहरुले अब भ्रष्टाचार न्यूनीकरण र सुशासनको प्रत्याभूति दिने गरी काम गर्नुपर्नेमा उनको जोड छ ।
अब संसदीय दलको नेतामा लड्नु हुन्छ ? भन्ने पत्रकारहरुको जिज्ञासमा कोइरालाले भने, “सबैतिरबाट निर्वाचनको मत परिणाम आइरहेको छ । कतिपय ठाउँको आउनै बाँकी छ । मैले अहिले नै निर्णय गरिसकेको छैन । काठमाडौ जान्छु, सभापति जीलाई भेट्छु । साथीहरुसँग पनि भेट्नुछ ।”
उनले संसदीय दलको नेता को हुने भन्ने अहिल्यै निर्णय हुन नसक्ने कोइरालाले स्पष्ट गरे ।
उनले अब गठबन्धनकै सरकार बन्नेमा ढुक्क हुन आग्रह गरे ।