सिन्धुपाल्चोक । चल्दै गरेको एसईई परिक्षाका परिक्षार्थीहरुलाई उत्साहित बनाउने गरी सुनकोशी गाउँपालिका वडा नं. ३ ले आकर्षक योजना ल्याएको छ ।
यस वर्षको एसईई परिक्षामा सहभागी भएका वडाभित्रका परिक्षार्थीहरुको पढाईमा थप सहयोग र उत्साह पुग्ने उद्देश्यले वडाले उक्त योजना अगाडी सारेको वडाध्यक्ष ईश्वर तामाङले जनाए ।
तामाङका अनुसार वडा नं. ३ का दुई विद्यालयबाट एसईई दिएका विद्यार्थीहरुले ३.६ जिपिए ल्याएमा जनही १५ हजारका दरले पुरस्कार दिने घोषणासमेत गरे । चालु एसइइ परीक्षामा उतीर्ण गरि औसत ३.६ माथिको जिपिए ल्याउन सफल विद्यार्थीलाई वडा कार्यालय, शिक्षा समितिले जनही पन्ध्र हजार प्रदान गर्ने घोषणा गरेको हो ।
वडाभित्र महेन्द्र कान्ति माध्यमिक विद्यालय र जनजागृति मावि गरि दूई विद्यालयका विद्यार्थीहरु यसपटकको एसइइ परीक्षामा सहभागी छन् । परीक्षार्थीहरुलाई प्रोत्सहनस्वरुप यस्तो घोषणा गरेको वडा अध्यक्ष तामाङले जानकारी दिए । यस वर्षको एसईई गत १७ गतेदेखि सुरु भएको थियो ।