पूर्वअमेरिकी राष्ट्रपति डोनल्ड ट्रम्पले गत वर्ष ‘कूको प्रयासमा’ त्यहाँको संसद् भवनमा हिंसा गराएको एउटा टेलिभिजनबाट प्रत्यक्ष प्रसारण गरिएको संसदीय सुनुवाइका क्रममा बताइएको छ।
रिपब्लिकन लिज चेनीले पूर्वराष्ट्रपति डोनाल्ड ट्रम्पले “उक्त आक्रमणको आगो सल्काएको” बताएकी छन्।
संसदीय छानबिन समितिका प्रमुख समेत रहेका डेमोक्र्याट बेनी थम्सनले उक्त दङ्गाले अमेरिकाको “संवैधानिक लोकतन्त्रलाई जोखिममा” पारेको बताएका छन्।
सन् २०२१ को ज्यानुअरीमा मच्चाइएको हिंसाबारे त्यहाँको तल्लो सदनको छानबिन समितिले गरेको पहिलो सार्वजनिक सुनुवाइसँगै उक्त घटना छानबिनको नयाँ चरण सुरु भएको बताइएको छ।
निर्वाचनमा हार बेहोरेका भए पनि तत्कालीन राष्ट्रपति डोनल्ड ट्रम्पले मत परिणाम नस्वीकार्ने बताएपछि उनका समर्थकहरूले त्यसबेला अमेरिकी संसद्मा हुलदङ्गा गरेका थिए।
त्यसक्रममा केही व्यक्तिहरूको ज्यान गएको थियो भने पछि दङ्गामा संलग्न कैयौँलाई फौजदारी अभियोग पनि लगाइएको थियो।बिबिसिले लेखेको छ ।