रामेछाप । नेकपा एमाले केन्द्रीय सदस्य कैलाशप्रसाद ढुङ्गेलले एमालेलाई हराउन विदेशीको इसारामा मिल्दै नमिल्ने दल मिलेर आएको बताएका छन् ।
रामेछापको दोरम्बा शैलुङ गाउँपालिकाको टोकरपुरमा आयोजित चुनावी कार्यक्रममा बोल्दै नेता ढुङ्गेलले मुलुकको राष्ट्रियता, राष्ट्रिय अखण्डता, स्वाभिमान र विकासको लागि सूर्य चिन्हमा मतदान गर्न अनुरोध गर्दै सो कुरा बताएका हुन् ।
रामेछापबाट प्रतिनिधि सभा सदस्य उम्मेदवार समेत रहेका ढुङ्गेलले भने, ‘एमालेलाई हराउन विदेशीको इसारामा मिल्दै नमिल्ने दल मिलेर आएका छन्’ ।
अहिलेको अप्राकृतिक गठबन्धन मङ्सिर ४ पछि नटिक्ने ढुङ्गेलले दाबी गरे । ‘ गठबन्धन मङ्सिर ४ पछि दन्त्य ओखर जस्तै कुटुक्क फुट्छ’ ढुङ्गेलले भने ।