रामेछाप । नेपाल आदिवासी जनजाति पत्रकार महासंघ (फोनिज) रामेछापको ११ औँ साधारण सभा तथा जिल्ला भेला सम्पन्न भएको छ । विहीबार आयोजना गरेको उक्त जिल्ला भेलामा संघिय सांसद पूर्णबहादुर तामाङ(कान्छाराम) ले पत्रकारहरुलाई सत्य र तथ्यका आधारमा कलम चलाउन आग्रह गरेका छन् ।
सांसद तामाङले पित पत्रकारीतामा लोकतन्त्र फस्टाउन नसक्ने भन्दै अब्बल पत्रकारीताको विकास विना देशको विकास अधुरो रहने भएकोले त्यस तर्फ पत्रकारहरुलाई सकरात्मक तरिकाले कलम चलाउन पनि आग्रह गरे ।
कार्यक्रमलाई सम्बोेधन गर्ने क्रममा उनले जिल्लाको विकास र शुसासनका लागि सबै जन प्रतिनिधि र राजनितिक दलहरुलाई ऐक्यबद्धताका आधारमा अघि बढ्न समेत आग्रह गरेका छन् । जिल्लाको विकासका लागि सबै पक्ष मिलेर अघि बढ्न सके मात्र जिल्लाको विकास सम्भब भएको भन्दै तामाङले आफु पनि सबै संग हातेमालो गरेर अघि बढ्न तयार रहेको बताए ।
त्यस्तै कार्यक्रमका विशष्ठ अतिथि बागमति प्रदेश सभा सदस्य आनन्द श्रेष्ठले पत्रकारहरुले परिबर्तनका लागि लडेको ईतिहास ताजा रहेको भन्दै उनिहरुले सहि ढंगले चलाएको कलमले मात्र शुसासन र दिगो विकासमा सहयोग पुग्ने बताए । सांसद श्रेष्ठले फोनिज रामेछापको मन्थलीमा भवन निर्माणका लागि प्रदेश सांसदको हैसियतले निति र विधि भित्र रहेर सकेको सहयोग गर्न पनि आफु तयार रहेको बताए।
कार्यक्रममा मन्थली नगरपालिकाका प्रमुख लब श्रेष्ठले निति विधि र पद्धतिका आधारमा फोनिजको भवन बनाउनका लागि आवश्यक जग्गा उपलब्ध गराउनका लागि आफु तयार रहेको बताए।
फोनिज जिल्ला अध्यक्ष कुमार श्रेष्ठको अध्यक्षतामा भएको उक्त कार्यक्रममा नेपाल पत्रकार महासंघका जिल्ला अध्यक्ष बद्री नयाँघरे,नेपाल आदिबासि पत्रकार महासंघ बागमति प्रदेशका अध्यक्ष युवराज श्रेष्ठ,नेपाल पत्रकार महासंघका पुर्व अध्यक्षहरु फोनिज रामेछापका पुर्व अध्यक्षहरु, विभिन्न बर्गिय संगठनका अध्यक्ष तथा तिनका प्रतिनिधिहरु समेतले फोनिजको साधारण सभा सफलताको शुभकामना दिएका थिए ।