रामेछाप । रामेछापकी प्रमुख जिल्ला अधिकारी (प्रजिअ) अनिता निरौलाले पत्रकारलाई स्रोत खुलाएर तथ्यपूर्ण समाचार लेख्न आग्रह गरेकी छन् ।
आइतबार जिल्लाका पत्रकारहरूसँग परिचयात्मक भेटघाटको क्रममा उनले तथ्यपूर्ण समचारले मिडिया प्रति विश्वसनीयता बढाउँने बताउदै स्रोत खुलाएर समचार लेख्न आग्रह गरेकी हुन् ।
उनी गत बिहीबार मात्रै जिल्लामा (सिडिओ) को रूपमा हाजिर भएकी हुन् ।
आइतबार बिहान १० बजे पछाडि गरिएको निर्देशनात्मक अनुरोधलाई आधार मानेर समय व्यवस्थापन गरी पत्रकारहरू जिल्ला प्रशासन कार्यालय पुगेका थिए । पत्रकारहरू समयमा नपुगेको भनेर प्रजिअ निरौला आक्रोशित भइन् । उनले पत्रकारहरू कार्यालयमा पुग्नु बित्तिकै भनिन्– “म समय मै चल्ने मान्छे हु । पत्रकार पनि समय मै चल्नुपर्छ । हामीले समयको महत्व बुझ्न जरुरी छ । जिल्लाका सबै कार्यक्रममा म समयमै पुग्छु । कार्यक्रम समयमै हुनुपर्छ । उनीले १ बजे राखिएको पत्रकार भेटघाट कार्यक्रममा समेत पत्रकारहरु समयमै नआइपुगेको भन्दै आक्रोश पोख्न भ्याइन् ।
उनले पत्रकार भेटघाट कार्यक्रममा आफू पूर्व पत्रकार भएकोले आफूलाई पत्रकारिताको बारेमा सबै ज्ञात भएको बताइन् । प्रजिअ निरौलाले आफूले पत्रकारलाई किन बोलाएको हुँ भन्ने विषय नै भुलेर समाचारको हेडलाइन कसरी लेख्ने, पत्रकारले के के गर्नुपर्छ र पत्रकारले के के बुझ्नुपर्छ भन्दै प्रशिक्षण दिन समेत भ्याइन् ।
पत्रकारहरुले जिल्लामा भएका समस्या र चुनौतीको बारेमा उठाएका विषयमा उनले कुनै ख्याल राखिनन् । पत्रकारले उठाएको विषयलाई समेत प्रजिअ निरौलाले बेवास्था गर्दै पत्रकारले सत्य समाचार के हो बुझ्न र लेख्न जरुरी रहेको भन्दै निर्देशन दिइन् । आपूmले बोल्ने समयअवधि भरि उनी निर्देशन दिनमै व्यस्त बनिन् । पत्रकारले उठाएका विषयहरू आपूmले डायरीमा टिपेर राखेको र यसको बिषयमा म पछि सकेको पहल गर्छु भनेर टारिन् ।
पत्रकारहरुले हाइड्रोको आतंक, फितलो बजार अनुगमन, आत्महत्या बढ्नुको कारण, एअरपोर्ट ब्यवस्थापन, रामेछाप–दोलखा र सोलु–रामेछापको सिमाक्षेत्र बिबाद, टाइमकार्डले यात्रुले भोगेको मार लगायतका बिषयमा आफूले केही भन्ने भन्दा पनि सक्ने जति गर्ने भन्दै फितलो जवाफ दिइन् । रामेछाप जिल्लाको प्रमुख जिल्ला अधिकारी बनेर आएकी प्रजिअ निरौला यस अघि राष्ट्रिय विपद जोखिम न्युनिकरण तथा व्यवस्थापन प्राधिकरण सिंहदरवारमा कार्यरत थिइन् ।