काठमाडौँ । नागरिक उन्मुक्ति पार्टीले रञ्जिता श्रेष्ठ चौधरीलाई उपराष्ट्रपतिको उम्मेदवार बनाउने निर्णय गरेको छ ।
आज बिहान सिंहदरवारस्थित संसदीय दलको कार्यालयमा बसेको पार्टीको सचिवालय बैठकले पार्टी अध्यक्ष एवं संसदीय दलकी नेता श्रेष्ठलाई उपराष्ट्रपतिको उम्मेदवार बनाउने निर्णय गरेको हो ।
सत्ता गठबन्धनको तर्फबाट भने जसपाका नेता रामशहाय यादवलाई उपराष्ट्रपतिको उम्मेदवार बनाउने तयारी छ ।
तर निर्वाचन आयोगले राष्ट्रपतिभन्दा फरक लिंग र समूदायको व्यक्तिलाई उपराष्ट्रपति उम्मेदवार बनाउनुपर्ने भन्दै सूचना प्रकाशित गरेपछि रञ्जीताको सम्भावना बढी देखिएको छ ।