काठमाडौं । जनस्तरबाट जुरे पहिरो पीडितको नाममा संकलन गरेको रकम पीडितहरुलाई नगदै वितरण गर्न प्रतिनिधिसभा सदस्य माधव सापकोटा सुवोधले सरकारसँग माग गरेका छन् ।
आज आइतबार प्रतिनिधिसभा बैठकको शुन्य समयमा बोल्दै साँसद सापकोटाले २०७१ साल साउन १७ गते जुरेमा गएको पहिरो पीडितको नाममा सरकारले जनस्तरबाट संकलित २ करोड ४४ लाख ६४ हजार ६ सय ५७ रुपैयाँ फुकुवा गर्दै पीडितलाई नगद नै वितरण गर्न प्रवन्ध मिलाउन सरकारसँग माग गरेका हुन् ।
पहिरो गएर स्थानीय जनताको उठिबास भएका ८ वर्ष विति सक्दा पनि सरकारले उक्त रकम वितरण गर्न नसक्नु दुर्भाग्य भएको बताउँदै साँसद सापकोटाले सरकारलाई यस विषयमा गम्भीर भएर पहलकदमी लिन समेत ध्यानाकर्षण गराए ।
केही महिना अगाडि मन्त्री परिषदको बैठकले उक्त रकम सामाजिक, साँस्कृतिक र एकीकृत विकासका लागि फुकुवा गर्ने निर्णय गरे पनि पीडितहरुले भने नगद नै पाउनु पर्ने माग राख्दै आएका छन् ।