काठमाडौं । नेकपा एमालेका नेता डा.भीम रावलले कान्तिपुर मिडिया ग्रुपका अध्यक्ष कैलाश सिरोहियाको गिरफ्तारी कानूनी राज्यको उपहास भएको बताएका छन् ।
नेता रावलले सामाजिक सञ्जालमार्फत सिरोहियाको गिरफ्तारीको विरोध जनाउँदै मन्त्री र अरूका लागि फरक–फरक कानून भएको भन्दै प्रश्न गरेका हुन् ।
नेता रावलले लेखेका छन्, ‘गृहमन्त्री रवि लामिछानेसँग नेपालको कानूनविपरीत विदेशको समेत गरी दुइटा नागरिकता र राहादानी हुँदा केही कारबाही नगर्ने तर कैलाश सिरोहियालाई दुइटा नागरिकतामा विवरण फरक परेको भनी कार्यकक्षबाट पक्रेर रातारात धनुषा लिने ? के मन्त्री र अरूका लागि फरक फरक कानून छ ? कानूनी राज्यको उपहास !’
नेता रावलले आफूविरुद्ध समाचार लेखेकै कारणले प्रतिशोध साध्ने र आतङ्कित पार्ने दुराशयबाट सिरोहियालाई पक्राउ गरिएको हुनसक्ने आशंका व्यक्त गरे ।
उनले गृहमन्त्री लामिछानेसँग नेपालको कानूनविपरीत विदेशको समेत गरी दुई नागरिकता र राहदानी हुँदा केही कारबाही नगरिएको तर सिरोहियालाई दुईवटा नागरिकतामा ’विवरण फरक परेको’ आरोपमा कार्यकक्षबाटै पक्रिएको भन्दै आपत्ति जनाए ।