बझाङ । बझाङमा जिप दुर्घटना हुँदा मृत्यु भएका ४ जनाको पहिचान खुलेको छ।
प्रहरीका अनुसार मृत्यु हुनेमा मष्टा खेतकोटकी १२र१३ वर्षीया सम्झना खड्का, १५ वर्षीय रोशन खड्का, ११ वर्षीय प्रचण्ड खड्का र २८ वर्षीया बसन्ती धामी रहेका छन्। बुधबार दिउँसो जिल्लाको मष्टा गाउँपालिका–१ स्थित चिउरीमा डुङ्ग्रीबाट मष्टातर्फ गइरहेको जिप दुर्घटना भएको थियो।
उक्त दुर्घटनामा अहिलेसम्म ६ जनाको मृत्यु भएको जिल्ला प्रहरी कार्यालय बझाङले जनाएको छ। सदरमुकाम चैनपुरबाट मष्टा जाँदै गरेको सु।प।प्र ००१-००१ च ११७ नम्बरको जिप दुर्घटना भएको हो।
यस्तै दुर्घटनामा घाइते भएकाहरूको उद्धार गरी जिल्ला अस्पताल सिमखेतमा पठाउने काम भइरहेको प्रहरीले जनाएको छ। जिप सडकबाट २ सय मिटर तल खसेर भीरमा अड्किएको थियो।