काठमाडौं – मकवानपुरको थाहा नगरपालिकामा बुधबार राति दुईवटा घरमा आगलागी भएको छ ।
साँढे एक बजे तीर भएको आगलागीबाट थाहा नगरपालिका वडा नम्बर ६ चल्तीस्थित थाक्लेका कृष्ण बहादुर खत्री र राजकुमार खत्रीको घर पूर्णरुपमा जलेर नष्ट हुँदा ३५ लाख बबराबरको क्षति भएको अनुमान गरिएको छ ।
आगलागीबाट घर र घरभित्र रहेका सम्पूर्ण सामाग्री जलेको प्रहरीले जानकारी दिएको छ । प्रहरीका अनुसार कृष्णको घरमा रहेको नगद ४ लाख र राजकुमारको घरमा रहेको नगद एकलाख ५० हजार सहित कुल ३५ लाख पचासहजार रुपैयाँ बराबरको धनमाल नष्ट भएको छ ।
आगलागीबाट कुनै मानवीय र चौपायको क्षति भने नभएको जिल्ला प्रहरी कार्यलय मकवानपुरको प्रवक्ता एवं डिएसपी टेकबहादुर कार्कीले जानकारी दिए । कृष्ण बहादुर खत्री को पुरानो डिजाईनको ढुङ्गा माटोले बनेको २ ९दुई० तले कच्चि घरमा बिजुलीको तार सट भई आगलागि सुरु भएको प्रहरी प्रवक्ता कार्कीले बताए ।
उक्त आगो बढ्न गई संगै जोडिएर बनाईएको खत्रीका आफ्नै भाई राज कुमार खत्रीको घरमा पनि आगलागी भएको थियो । ईलाका प्रहरी कार्यलय पालुङका प्रहरी नायव निरीक्षक उमेश प्रसाद कोईरीको कमाण्डमा खटिएको प्रहरी स्थानीय र दमकलको सहयोगमा राति साँढे २ बजेतीर आगो निभाउँन सकिएको प्रवक्ता कार्कीले जानकारी दिए ।