रामेछाप । मुख्य निर्वाचन अधिकृतको कार्यालय रामेछापले स्थानिय तहको निर्वाचनको सूचना लुकाउदै आएको छ । यहीँ बैशाख ३० गते हुन लागेको स्थानिय तहको निर्वाचनलाई जनमैत्री र पारदर्शी बनाउन भन्दै निर्वाचन आयोगले काम गरिरहेको बेला मुख्य निर्वाचन कार्यालय रामेछापले भने आफ्नो सूचना लुकाउने गरेको छ ।
वर्तमान संविधानले सूचनाको हकलाई सर्वसाधारणसम्म पुग्ने ग्यारेन्टी गरेसँगै निर्वाचन आयोगले आफ्नो संयन्त्रहरुलाई जिल्लाहुदै पालिकास्तरसम्म पुर्याएको भए पनि रामेछापमा भने त्यस विपरीतको काम हुँदै आएको छ ।
निर्वाचन अभियानमा जुटेका मुख्य राजनितीक दलहरु विशेषगरी नेकपा माओवादी केन्द्र, नेकपा एमाले, नेकपा एकिकृत समाजवादी र नेपाली काँग्रेस लगाएतका दलहरुले व्यापक रुपमा आचार संहिता उल्घंन गरिरहेको सम्वन्धमा मुख्य निर्वाचन कार्यालयसँग सम्र्पक गर्दा स्वंय मुख्य निर्वाचन अधिकारीकै फोन उठ्ने गरेको छैन् ।
त्यसवाहेक निर्वाचनको सन्र्दभमा आइपुग्दा विभिन्न पार्टीका उम्मेदवाहरुहरुले गाउँगाउँमा मतदाताहरुलाई लोभ्याउने खालका गतिविधी र विद्यालय स्तरका वालवालिकाहरुलाई पोशाक वितरण जस्ता काम गरेको र निर्वाचन कार्यालयले गरेको कामको बिवरण बुझ्नका लागि जिल्ला स्तरमा समेत वेवास्ता गरिएको छ ।
वुधवार मुख्य निर्वाचन कार्यालयको गतिवीधि, जिल्ला स्तरमा अन्य पालिकाका निर्वाचन कार्यालयहरुको अवस्था, राजनितिक दलका उम्मेदवारहरुको कार्यशैली आदीका वारेमा मुख्य निर्वाचन कार्यालयमा बुझ्न खोज्दा मुख्य निर्वाचन अधिकारीको टेलिफोन उठेन ।
उनको टेलिफोन नउठेपछि प्रमुख जिल्ला अधिकारी दीपक पहाडी सँग सम्र्पक गर्दा उनले निर्वाचन सम्वन्धि सवै कामका वारेमा मुख्य निर्वाचन अधिकारीको कार्यालयमा सम्र्पक गरी बुझ्न आग्रह गरे । मुख्य निर्वाचन कार्यालयमा सम्र्पक हुन नसकेपछि वेलुकी पौने ५ वजेतिर संचारकर्मीहरुको टोली पुग्दा मुख्य निर्वाचन अधिकृत बाहिरी सकेको सूचना प्राप्त भयो ।
सहायक मुख्य निर्वाचन अधिकारी बिना खड्का (थापा) सँग कार्यालय परिसरमा भेटेर कुरा गर्दा उनले जिल्लाभरीको दावी विरोध र अन्य अवस्थाका वारेमा मुख्य निर्वाचन अधिकारीको कार्यालयलाई जानकारी नहुने बताइन । संचारकर्मीहरुले सोधेको जवाफलाई उनले खासै गम्भिर रुपमा लिइनन् । उल्टै आफ्नो धुनमा उत्तल जवाफको वेवास्ता गर्दै कार्यालयका कर्मचारीहरुसँग सेवा र सुविधाका वारेमा मात्रै कुरा गरिरहीन ।
यीनै घटनाका सम्वन्धमा कार्यालय परिसरभित्र भेटिएका अर्का सहायक निर्वाचन अधिकारी एवं जिल्ला प्रशासन कार्यालय रामेछापका प्रशासकिय अधिकृत लिलाधर अवस्थीले भने घटनालाई गम्भिर रुपमा लिए । उनले पत्रकारहरुलाई सूचना दिनु आयोगको कर्तव्य भएको र नियमित सूचना पाउनुबाट संचारकर्मीलाई वञ्चित गर्नु नहुने बताए । त्यसका लागि वुधवार मुख्य निर्वाचन अधिकृत वाहिरी सक्नु भएकाले विहिवार मात्र उहाँसँग सम्पर्क गरेर संचारमाध्यमहरुलाई नियमित सूचना दिने वारेमा छलफल गर्ने बताए ।