सुर्खेत । कर्णाली प्रदेशको जाजरकोट , डोल्पा , हुम्ला र मुगु लगाएका जिल्लामा सौर्य उर्जा मार्फत तत्काल घर घरमा उज्यालो पुर्याउनका लागि सहकार्य हुने भएको छ ।
बैकल्पिक उर्जा प्रवद्धन केन्द्र र कर्णाली प्रदेश जलस्रोत तथा उर्जा विकास मन्त्रालयको सहकार्यमा विद्युत नपुगेका ठाउँमा सौर्य उर्जा मार्फत काम गर्ने कुरामा सहमती भएको छ ।
जलस्रोत तथा उर्जा विकास मन्त्री गणेशप्रसाद सिंह र बैकल्पिक उर्जा प्रवद्धन केन्द्रका कार्यकारी निर्देशक डा मधुसूदन अधिकारी बीचमा यो सहमति भएको हो । सबै ठाउँमा विद्युत नपुगेको भन्दै प्रदेशको जलस्रोत तथा उर्जा विकास मन्त्री सिंहले सौर्य उर्जा मार्फत सबै ठाउँमा विद्युत पुर्याउने कार्यमा प्रदेश सरकारलाइ सघाउन आग्रह गरेका थिए ।
उक्त आग्रहलाइ कार्यकारी निर्देशक डा अधिकारीले कर्णाली आफूहरुको रोजाइ भएकोले आफूहरु सहकार्य गर्न तयार भएको बताए ।
जाजरकोटमा विद्युत नपुगेको नलगाड नगरपालिका भित्रका १० र ११ , छेडागाड नगरपालिका भित्रका २ , ३ ,७ र १० मा , शिवालय गाउँपालिका भित्रका ५,६ र ७ मा सौर्य उर्जा मार्फत विद्युतीकरण गर्ने सहमति भएको छ । यो भन्दा अगाडी जाजरकोटका नलगाड ,बारेकोट , जुनिचाँदे र कुशेमा सौर्य मिनिग्रेटको काम चालु रहेको छ ।
सौर्य उर्जा मार्फत १० वर्ष सम्मा विद्युत लाइन नपुगेमा पनि घरमा सौर्य उर्जा मार्फत सेवा लिन सकिने अवधारण अनुसार काम गर्न मन्त्री सिंहले केन्द्रलाइ निर्देशन समेत दिए । आज नै उर्जा ,जलस्रोत तथा सिँचाइ मन्त्री पम्फा भूसालसँग समेत मन्त्री सिंहले भेट गर्दै तत्काल विद्युतीकरणका लागि पहल गर्न आग्रह गरेका छन् । संघीय सरकारबाट भएका कामहरु गति कम भएकाले ध्यान दिन समेत आग्रह गरे ।