सिन्धुपाल्चोक – ट्रान्सफर्मर मर्मत गर्ने क्रममा मेलम्चीमा करेन्ट लागेर प्राधिकरणकै एक कर्मचारीको मृत्यु भएको छ ।
मेलम्ची नगरपालिका १३ फटकशिलामा ट्रान्सफर्मर मर्मत गर्ने क्रममा डिश फुटेर करेन्ट लाग्दा नेपाल विद्युत प्राधिकरण मेलम्ची हेलम्बु वितरण केन्द्रका कर्मचारी इश्वर गुरागाँईको मृत्यु भएको इलाका प्रहरी कार्यालय मेलम्चीले जनाएको छ ।
करेन्ट लागेर उपचारका लागि धुलिखेल अस्पताल लगिएकोमा उपचार क्रममा दिउसो ३ बजे मृत्यु भएको प्रहरीले जनाएको छ ।घटनाबारे थप अनुसन्धान भइरहेको प्रहरीले जानकारी दिएको छ । काभ्रेपलाञ्चोक जिल्ला घर भएका ३९ बर्षिय गुरागाई विधुत प्राधिकरणमा ज्यालादारिमा कार्यरत थिए ।