काठमाडौँ । राप्रपा नेपालका केन्द्रीय उपाध्यक्ष उद्धव पौडेलले अध्यक्ष कमल थापालाई राजिनामा पत्र बुझाएका छन् ।पौडेलले हिजो (बुधबार) राजीनामा दिएका छन् ।
पौडेल उपाध्यक्ष, आर्थिक विभाग प्रमुखको पनि जिम्मेवारीमा थिए । उनले साधारण सदस्यसमेत नरहने गरी राजीनामा दिएका हुन् ।
राप्रपा महाधिवेशनबाट अध्यक्षमा पराजित भएपछि कमल थापाले राप्रपा नेपाल ब्युँताएका थिए । चाबहिलका पौडेल उक्त पार्टीको उपाध्यक्षमा मनोनीत भएका थिए । अध्यक्ष थापाले पौडेललाई गत फागुन १८ गते उपाध्यक्ष मनोनीत गरेका थिए ।