रामेछाप । स्थानिय तहको निर्वाचनमा निर्वाचित दलहरुले बहुमत ल्याउन नसक्दा जिल्ला समन्वय समितिको नेतृत्व लिन नेपाली काँग्रेस र नेकपा एमालेले नेकपा माओवादीलाई फकाउन थालेको छ ।
अव बन्ने जिल्ला समन्वय समितिको नेतृत्व चयन हुन दुई राजनितिक दलहरु बिच तालमेल हुन आवश्यक भए पछि काँग्रेस र एमाले माओवादी फकाउन व्यस्थ देखिन्छ ।
जिल्लाको २ नगरपालिका र ६ वटा गाउँपालिका गरी ८ वटा स्थानिय तह रहेको रामेछापमा नेपाली काँग्रेसको तर्फवाट ७, नेकपा एमालेको तर्फवाट ६ र नेकपा माओवादी केन्द्रवाट ३ जना उम्मेदवारहरु स्थानिय तहमा निर्वाचित भएका छन् ।
नेपाली काँग्रेसको तर्फवाट रामेछाप नगरपालिकामा प्रमुख र उपप्रमुखगरि २, गोकुलगंगा गाउँपालिकाको प्रमुख र उपप्रमुखगरि २, लिखु तामाकोशी गाउँपालिकाको प्रमुख १, उमाकुण्ड गाउँपालिकाको उपप्रमुखमा १ र दोरम्वा शैलुङ्ग गाउँपालिकाको उपप्रमुखमा १ गरी ७ जना उम्मेदवार निर्वाचित भएका छन् ।
त्यसैगरी नेकपा एमालेको तर्फवाट मन्थली नगरपालिकामा प्रमुख र उपप्रमुखगरि २, उमाकुण्ड गाउँपालिकामा प्रमुख १, लिखु तामाकोशी गाउँपालिकामा उपप्रमुख १ र खाँडादेवी गाउँपालिकाको प्रमुख र उपप्रमुख २ सँगै ६ जना उम्मेदवार निर्वाचित भएका छन् ।
त्यस्तै नेकपा माओवादी केन्द्रवाट दोरम्वा शैलुङ्ग गाउँपालिकाको प्रमुखमा १ र सुनापति गाउँपालिकाको प्रमुख र उपप्रमुख २ गरी ३ जना उम्मेदवार निर्वाचित भएका छन् ।
स्थानिय निर्वाचनमा कुनै पनि दलको बहुमत नपुगेपछि तालमेल गरेर जिल्ला समन्वय समिति गठन गर्ने तयारीमा लागिएको नेकपा एमाले रामेछापका अध्यक्ष आनन्द श्रेष्ठ बताउँछन ।
नेपाली काँग्रेस रामेछापका सचिव दिपक खड्का पनि माओवादीसँग तालमेल गरेर समन्वयको नेतृत्व गर्ने बताउँछन । उनि भन्छन – केन्द्रीय तहमा जिससको निर्वाचनमा गठबन्धन गर्ने नीतिगत निर्णय भएको छ । सोही अनुरुप सिट बाँडफाँडमा सहमति जुटाएर माओवादीसँग सहकार्य हुन्छ ।
नेकपा माओवादी केन्द्र रामेछापका संयोजक मैन कुमार मोक्तानले भने समन्वय समितिको निर्वाचनमा नेपाली कांग्रेसँग ठबन्धन गरेर अघि जाने विषयमा अनौपचारिक छलफल भइरहेको बताएका छन । केन्द्रदेखि स्थानीय तहसम्म नै गठबन्धन रहेकाले जिससको निर्वाचनमा पनि गठबन्धनलाई निरन्तरता दिने उनको भनाई छ।
जिल्ला समन्वय समितिको प्रमुखमा नेपाली काँग्रेसको तर्फवाट शुबाष महत र चिना कार्कीको नाम चर्चामा रहेको छ । त्यसैगरी नेकपा एमालेको तर्फवाट तुलप्रसाद कडेल र भोजराज कडरियाको नाम चर्चामा छ भने नेकपा माओवादी केन्द्रको तर्फवाट प्रेम सागर थापाको नाम चर्चामा रहेको छ ।
जिसस निर्वाचनमा रामेछापमा आठ स्थानीय तहका प्रमुख उप्रमुखले मतदान गर्नेछन् ।जिल्ला समन्वय समिति रामेछापको निर्वाचन जेष्ठ २९ गते हुने भएकाे छ ।