काठमाडौं। विदेश पठाई दिन्छु भनि ठगी गरेको अभियोगमा एकजना पक्राउ परेका छन् । काठमाडौं टोखा नगरपालिका-८ बस्ने चितवन भरतपुर महानगरपालिका-९ वसन्त चोकका सुजनराज पाण्डेलाई सो अभियोगमा मंगलबार प्रहरीले पक्राउ गरेको हो ।
टिपिकल क्लोथिङ एण्ड क्राफ्ट स्टोर नामक व्यवसायिक कम्पनी दर्ता गर्न लगाई यूरोपको जुनसुकै देशमा गएर ब्यपार व्यवसाय गर्न मिल्ने भिषा लगाई दिन्छु भनि हंगेरीको लागि नक्कली भिषा समेत निकाली पीडितबाट २५ लाख रूपैयाँ ठगी गरेको आरोपमा निजलाई बानेश्वरबाट पक्राउ गरेको हो ।
उनीलाई ठगी कसूर अन्तर्गत थप अनुसन्धानका लागि जिल्ला प्रहरी परिसर काठमाडौं पठाइएको प्रहरीले जनाएको छ ।