वर्षाद शुरु भएसँगै सम्भावित बाढी र पहिरोको सम्भावना बढेको छ । हरेका बर्षको बर्षाद शुरु हुनासाथ सर्वसाधारणमा संभावित बाढि पहिरो र जोखिमको त्रास सुरु भैसकेको छ । सरकारी मौसमविद हरुले पनि यस बर्ष गत बर्षको भन्दा बढि पानि पर्ने आँकलन गरेको कुरा बाहिर आईरहेको छ । उनिहरुको आकलनका आधारमा सरकारले अत्याधिक वर्षाद र वर्षाद सँगै बाढी पहिरोको सम्भावनालाई स्वीकारेको पनि छ । त्यसका लागि उसले आर्पm मातहतका सबै निकायहरुलाई सचेत र तयारी अवस्थामा बस्न निर्देशन गरेको छ ।
तर रामेछापको सन्र्दभमा भने त्यस्तो खालको तयारी देखिदैन । दुई वटा नगरपालिका र ६ वटा गाउँपालिका रहेको रामेछाप जिल्लामा भौगोलिक विविधतासँगै सोही खालको बस्ती रहेको छ । जुन वस्ती र बस्तीको बीचबाट खनेका सडकहरु पनि सर्वसाधारणका लागि अभिषाप जस्तै बनेको छ । यसअघिका सरकारहरुले सडक निर्माण र बिस्तारका नाममा खनेका सडकहरु अधिकांसको अवस्था दयनीय भएको छ । जुन कुराको बारेमा स्थानीय सरकार र जिल्ला विपद व्यस्थापन समितिले पनि चाहिने जति चासो दिएका छैनन् ।
घरमा आँगलागी भएपछि कुवा खन्न थाल्ने खालको प्रवृत्तिले हाम्रो नेपाली समाजलाई पनि उत्तिकै सताएको छ । जुन कुराको बारेमा स्थानीय जनप्रतिनिधिहरु र प्रशासनसमेत पूर्णरुपमा जानकार छन् । सम्भावित संकटको निकासको सट्टा थप संकट निम्ताएर जोखिमको सामना गर्नको लागि आवश्यक पहल र समन्वय गर्नुपर्ने सरोकारवाला निकायहरुले पनि यस बारेमा खासै चासो दिएका छैनन् । हरेक वर्ष दैविप्रकोपको सामना गर्दै उठेको रामेछापले यस वर्ष पनि सर्वसाधारणले पाउने सक्ने सम्भावित जोखिमका वारेमा खासै सोचेको र अनुमान गरिरहेको देखिदैन ।
यो मौसमका लागि गम्भीर बिषय पनि हो । यसका लागि जिल्ला विपद ब्यवस्थापन र स्थानीय सरकारहरुले “एकले थुकी सुकी सयले थुकी नदी” भन्ने शव्दलाई ब्यवहारमा उतार्दै जिल्लाका गाउँपालिकाका प्रमुख र कार्यालय प्रमुखहरुले समेतले आपसी समन्वयको आधारमा अहिलेदेखि नै पूर्व तयारीका साथ काम शुरु गर्नसक्नु पर्दछ ।
त्यसमा पनि संघीय सरकारको जिम्वेवारी प्राप्त प्रमुख जिल्ला अधिकारीले सबै पालिकाका प्रमुख, उप–प्रमुख र नागरिक अगुवाहरु समेतलाई एकै ठाउँमा राखी सम्भावित जोखिमको पहिचान र उपायका बारेमा छलफल गरी निष्र्कषमा पुग्नु जरुरी हुन्छ । नेपालीमा एउटा भनाई छ “अभागीले परेर चेत्छ भाग्यमानीले देखेर चेत्छ ।” ,भन्ने उखानलाई ब्यवहारमा देखाउनका लागि उसले आप्mना सबै सबै सम्यन्त्रलाई प्रयोग गरी भाग्यमानी बन्ने प्रयास गर्न सक्नु पर्छ । यसका लागि समाजका अन्य पक्षले पनि हातेमालो गर्दै अगाडि बढाउनका लागि तयार हुनु जरुरी छ । सरोकारवालारुले बेलैमा सोच्नु जरुरी छ ।