धरान । धरान उपमहागरपालिकाको मेयर बन्न २० उम्मेदवार चुनावी मैदानमा छन्, जसमध्ये सत्ता गठबन्धनका किशोर राई र नेकपा एमालेकी मञ्जु भण्डारीबीच बलियो प्रतिस्पर्धा हुने देखिन्छ ।
स्वतन्त्र उम्मेदवारमध्ये सामाजिक अभियानमार्फत चिनिएका हर्कराज साम्पाङको उम्मेदवारीले बढी चर्चा पाएको छ । चुनाव नजिकिएसँगै राई, भण्डारी र साम्पाङ सहितका उम्मेदवार मतदाता रिझाउने अभियानमा छन् ।
विशेष गरी यसपटक थपिएका नयाँ मतदाता रिझाउन उम्मेदवारले बढी जोड दिएका छन् । ०७४ को चुनावमा ७९ हजार २८२ मतदाता रहेकामा यसपटक धरानमा २१ हजार ४२ मतदाता थपिएका छन् ।