Author: सूचनापाना
काठमाडौँ । रास्वपाले डा. ढाकाकुमार श्रेष्ठको ठाउँमा विन्दवासिनी कंसाकारलाई सांसद बनाउने निर्णय गरेको छ । बुधबार (आज) बसेको पार्टीको केन्द्रीय समिति बैठकले श्रेष्ठको साधारण सदस्यता खारेज गरेसँगै श्रेष्ठको सांसद पद पनि रहने छैन । समानुपातिक पद्धतिबाट निर्वाचित भएकाले रास्वपाले श्रेष्ठको ठाउँमा अर्को व्यक्तिलाई संसदमा पठाउन पाउनेछ ।
चितवन । चितवनमा गैंडाका दुई बच्चा मृत फेला परेका छन् । खाग नै नपलाएका गैंडाका दुईवटा बच्चा मृत फेला परेको चितवन राष्ट्रिय निकुञ्जले जनाएको छ । पश्चिम क्षेत्र अमलटारीको मर्दी घोलमा एउटा र माडी बगइ रिउ खोला आडमा गैंडाको अर्को बच्चा मृत फेला परेको हो । सोमबार निकुञ्जको टोलीले गैंडाका ती बच्चा मृत भेटाएको थियो । २७ गते सोमबार मध्याह्न साढे १२ बजेतिर निकुञ्जको पश्चिम क्षेत्र अमलटारी मर्दी घोलको नरायणी नदीको भंगालोमा गस्ती टोलीले गैंडाको सात महिना जतिको केटी (बच्चा) मृत फेला पारेको थियो । खाग पनि नपलाएको सो गैंडाको बच्चालाई भाले गैंडाले आक्रमण गरेर मारेको निकुञ्जका सूचना अधिकारी रहेका…
कञ्चनपुर । भीमदत्त नगरपालिकाका तत्कालीन प्रशासकीय अधिकृतसहित ९ जनाविरूद्ध भ्रष्टाचारको मुद्दा दायर भएको छ। महाकाली नदीमा नदीजन्य पदार्थको बोलपत्र आह्वान गर्दा ठेकेदारलाई आर्थिक लाभ हुने गरी भ्रष्टाचार गरेको आरोपमा अख्तियार दुरूपयोग अनुसन्धान कार्यालयले ९ जनाविरूद्ध विशेष अदालत काठमाडौंमा मुद्दा दायर गरेको प्रवक्ता भोला दाहालले जानकारी दिए। आर्थिक वर्ष २०७८/०७९ मा ढुंगा, गिट्टी, बालुवा, ग्राभेलको लागि बोलपत्र आह्वान गर्दा भवानी कन्स्ट्रक्सन प्रालि कञ्चनपुरसँग ठेक्का सम्झौता गरेको थियो। उक्त सम्झौता गर्दा ५ करोड ४३ लाख ३१ हजार ८२७ रुपैयाँ बराबरको राजस्व रकम हानी/नोक्सानी गरेको अख्तियारको ठहर छ। अख्तियारले प्रमुख प्रशासकीय अधिकृत पुष्करप्रसाद भट्ट, लेखा अधिकृत गोविन्दराज उपाध्याय, इन्जिनियर हिमालय सिंह ऐर, अधिकृत…
काभ्रे । बल्थलीमा खुर्पाले हानेर छोराले आमाको हत्या गरेका छन्। बुधबार काभ्रेको पनौती नगरपालिका–११ बल्थलीमा बस्दै आएका ५२ वर्षीय राजेन्द्र भनिने बिश्वबन्धु थापाले ९१ वर्षीया आमा कान्छी थापाको खुर्पाले हानेर हत्या गरेका हुन् । जिल्ला प्रहरी कार्यालय काभ्रेका सूचना अधिकारी तथा प्रहरी नायव उपरीक्षक ढुण्डिराज न्यौपानेले थापाले धारिलो हतियार खुर्पाले टाउकोमा प्रहार गर्दा आमाको घटनास्थलमै ज्यान गएको बताए । आमालाई आफूले मात्रै स्याहार गर्नु परेको थापाको भनाई छ। यद्यपि थापाले मानसिक रोगको औषधी खाइरहेको समेत पाइएको छ। प्रहरीले मानसिक रुपमा स्वस्थ नरहेको उनले कुनै कारणबस आवेगमा आमामाथि खुर्पा प्रहार गरेर हत्या गरेको हुन सक्ने अनुमान गरेको छ । डिएसपी न्यौपानेका…
सोलुखुम्बु । सगरमाथा आरोहणका क्रममा हिमपहिरोमा परी ३ जनाको मृत्यु भएको छ । खुम्बु आइसफल भत्किएर हिमपहिरो जाँदा क्याम्प–१ भन्दा तल हिउँमा पुरिएर बेपत्ता भएका खुम्बु पासाङ ल्हामु गाउँपालिका–५ का तीन जना शेर्पा आरोहीको हिउँले पुरिएको अवस्थामा मृत्यु भेटिएको सगरमाथा प्रदूषण नियन्त्रण समितिका अध्यक्ष लामाकाजी शेर्पाले जानकारी दिए । उनका अनुसार सगरमाथाको ५ हजार ७ सय मिटरको उचाइमा हिमपहिरोमा परी मृत्यु हुनेमा तेन्जिङ शेर्पा, लाक्पा रिता शेर्पा र बादुरे शेर्पा रहेका छन् । इम्याजिन ट्रेक प्रा।लि।बाट सगरमाथा आरोहणमा गाइडको भूमिकामा रहेका उनीहरुको बुधबार बिहान मृत्यु भएको हो । बुधबार बिहान एक्कासी हिम पहिरो आएपछि उनीहरु पुरिएका थिए । शव निकाल्न…
काठमाडौं । ‘लम्पी स्किन’ रोगका कारण मकवानपुरमा गाईवस्तु मर्न थालेका छन् । यस रोगका कारण मंगलबारसम्म मकवानपुरमा २७ वटा गाईवस्तु मरेका छन् । भेटेरीनरी अस्पताल तथा पशु सेवा विज्ञ केन्द्र हेटौंडाका सूचना अधिकारी डा. आभास कोइरालाले मकवानपुरका ४ वटा पालिकाको विभिन्न स्थानमा यो रोग देखा परेको बताए । सूचना अधिकारी कोइरालाका अनुसार मकवानपुरको कैलाश, मकवानपुर गढी, मनहरी गाउँपालिका र हेटौंडा उपमहानगरपालिकाका विभिन्न वडामा किसानले पालेको गाईवस्तुमा यो रोग देखा परेको छ । उनले रोगको बारेमा धेरै किसानलाई जानकारी नहुँदा वास्तविक विवरण आफुहरुसँग आइनसकेकाले अन्य पालिकामा पनि यो रोग फैलिएको हुनसक्ने बताए । सूचना अधिकारी कोइरालाले अहिलेसम्म मकवानपुरमा ८ सयको हाराहारीमा…
काठमाडौं । नेकपा एकीकृत समाजवादी ललितपुरका नेताहरू एमालेमै फर्किएका छन्। पार्टी कार्यालय च्यासलमा भएको एक कार्यक्रममा समाजवादीमा प्रवेश गरेका नेताहरूलाई महासचिव शंकर पोखरेलले पार्टीमा स्वागत गरेका हुन्। एमालेमा फर्किनेहरूमा नेकपा एस जिल्ला कमिटी सचिव सुदर्शन मिश्र, केन्द्रीय निर्वाचन विभाग सदस्य तथा जिल्ला कमिटी सदस्य शिलग्राम मिश्र, जिल्ला कमिटी सदस्य राजेन्द्र थापा, ऋषिराज भेटवाल, माधव बन्जारा, कृष्ण महर्जन, राजन घिमिरे, रानुमैया कार्कीलगायत ३९ जना छन्।
चितवन । चितवनको टाइगरल्याण्ड सफारी रिसोर्टमा भीषण आगलागी भएको छ । बिहान साढे ११ बजेदेखि रिसोर्टमा आगलागी भएको चितवन प्रहरीले बताएको छ । आगो निभाउन दमकल पुगिसकेको प्रहरीले बताएको छ। चितवन राष्ट्रिय निकुञ्जस्थित जगतपुरमा रहेको उक्त रिसोर्टमा लागेको आगलागी अझै नियन्त्रणमा लिन सकिएको छैन । उक्त रिसोर्टको लबी र रेष्टुरेन्ट क्षेत्रमा आगलागी भएको एक कर्मचारीले बताइन् । आगलागी केही नियन्त्रणमा आए पनि पूर्ण नियन्त्रणमा नआएको पनि उनले जनाइन् ।
काठमाडौँ । साल्ट ट्रेडिङ कर्पोरेसन लिमिटेडको अध्यक्षमा प्रदीपलाल श्रेष्ठ नियुक्त भएका छन् । कम्पनी सञ्चालक समिति बैठकले श्रेष्ठलाई अध्यक्षमा नियुक्त गरेको हो । श्रेष्ठ चैत ०७१ देखि सञ्चालक समिति सदस्यका रूपमा कार्यरत थिए । उनी कर्पोरेसन मातहतको मोरङ सुगर लिमिटेडको अध्यक्षका रूपमा समेत कार्य गरिरहेका छन् । सरकारको आंशिक लगानी रहेको साल्ट ट्रेडिङले देशभर नुन बिक्री-वितरणको एकाधिकार लिँदै आएको छ । कर्पोरेसनले विकट जिल्लाहरूमा सरकारी अनुदान लिएर नुन ढुवानीसमेत गर्दै आएको छ ।
सिन्धुली । बिपी राजमार्गअन्तर्गत सिन्धुलीको कमलामाई नगरपालिका–३ गढीगेट नजिक कार दुर्घटनामा परी चार जनाको मृत्यु भएको छ । गए राती भएको दुर्घटनामा चार भारतीय नागरिकको मृत्यु भएको भने एकजना गम्भीर घाइते भएको प्रहरीले जनाएको छ । जिल्ला प्रहरी कार्यालयका प्रहरी उपरीक्षक राजकुमार सिलवालका अनुसार दुर्घटना गए राति १२ ः ३० बजे भारतीय नम्बरप्लेटको बीआर०६ डिडी ०६८७ कार अनियन्त्रित भएर दुर्घटना भएको हो । दुर्घटनामा गम्भीर घाइते एक पुरुषलाई थप उपचारका लागि काठमाडौं पठाउने तयारी भइरहेको छ । कारमा पाँच जना सवार थिए । मृतक चारै जना पुरुष रहेका छन् । मृतकमध्ये एक पुरुषको शव सिन्धुली अस्पतालमा र अरु तीन पुरुषको…