Author: सूचनापाना
काठमाडौं । काठमाडौं क्षेत्र नम्बर ९ मा नेकपा एमालेका उम्मेदवार कृष्णगोपाल श्रेष्ठ निर्वाचित भएका छन् । श्रेष्ठ ११ हजार ९५६ मतसहित निर्वाचित भएका हुन्। उनका निकटतम प्रतिद्वन्द्वी राष्ट्रिय स्वतन्त्र पार्टीका टेकबहादुर पोखरेलले १०९६१ मत पाए। माओवादी केन्द्रकी कल्पना धमलाले ६ हजार ४०२ मत प्राप्त गरिन्। यो क्षेत्रमा एमालेकै श्रेष्ठ विजयी भएका थिए ।
काठमाडौं । चितवन क्षेत्र नम्बर २ को पछिल्लो गणनाअनुसार राष्ट्रिय स्वतन्त्र पार्टीका रवि लामिछानेले अग्रता लिएका छन् । जिल्ला निर्वाचन कार्यालयका अनुसार लामिछानेले ४००७ मत पाउँदा एमाले उम्मेदवार कृष्णभक्त पोखरेलले ३ हजार ८७९ मत पाएका छन् । यस्तै, कांग्रेस उम्मेदवार उमेश श्रेष्ठले ३ हजार ४१० मत पाएका छन् ।
झापा । झापा क्षेत्र नम्बर ३ मा राप्रपा अध्यक्ष राजेन्द्र लिङ्देनले कांग्रेस पूर्वमहामन्त्री कृष्णप्रसाद सिटौलासँग मतान्तर बढाउँदै लगेका छन् । लगातार अग्रता कायमै राखेका लिङ्देनले अहिले मतान्तर बढाएका हुन् । लिङ्देनले सिटौलासँग एक हजार ८२५ को मतान्तर बनाएका हुन् । लिङ्देनले ७ हजार ५० मत ल्याउँदा सिटौलाले ५ हजार २२७ मत ल्याएका छन् । अहिलेसम्म १३ हजार ८८३ मतगणना भइसकेको छ।
काठमाडौं । डडेलधुरामा जारी मतगणनामा प्रधानमन्त्रीसमेत रहेका नेपाली कांग्रेसका सभापति शेरबहादुर देउवाको गृह क्षेत्रमा १९ हजार ५९६ मतगणना भइसकेको छ । प्राप्त जानकारी अनुसार कांग्रेस सभपति देउवाले ९ हजार ७७३ मत प्राप्त गरेका छन् । यस्तै स्वतन्त्र उमेदवार सागर ढकालले ५ हजार १९३ मत पाएका छन् । कांग्रेस बीपी उपाध्यक्ष कर्णबहादुर मल्लले २ हजार ६९४ मत पाएका छन् ।
काठमाडौं । नवलपरासी बर्दघाट सुस्ता पश्चिम क्षेत्र नं १ मा राष्ट्रिय स्वतन्त्र पार्टीका उम्मेदवार महेन्द्र सेनले अग्रता लिएका छन् । उनले नेपाली कांग्रेसका उम्मेदवार विनोद चौधरीलाई पछि परेका छन् । ठकुरीले चार हजार छ सय ८९ मत प्राप्त गर्दा चौधरीले चार हजार पाँच सय ६० मत प्राप्त गरेका छन् । तेस्रो स्थानमा जनता प्रगतिशील पार्टीका अध्यक्ष हृदयेश त्रिपाठी तीन हजार चार सय तीन मत प्राप्त गरेका छन् ।
काठमाडौं । भोजपुरमा मत गणना जारी छ । नयाँ परिणामअनुसार माओवादी केन्द्रका उम्मेदवार सुदन किरातीले अग्रता बनाएका छन् । उनले एमाले उम्मेदवार शेरधन राईलाई ५७१ मतले पछि पारेका छन्। किरातीले २३१६ मत प्राप्त गर्दा शेरधन राईले १७४५ मत प्राप्त गरेका छन्।
काठमाडौं । इलाम १ मा मत गणना जारी छ । अहिलेसम्मको गणनामा एमाले उम्मेदवार महेश बस्नेतले अग्रता कायम राखेका छन् । बस्नेत एकीकृत समाजवादीका झलनाथ खनालभन्दा ७ सयभन्दा बढी मतले अघि रहेका छन् । बस्नेतले ६६४६ मत प्राप्त गरेर अग्रता जोगाइराख्दा खनालले ५९४३ मत प्राप्त गरेका छन्।
संगिता श्रेष्ठ । रामेछाप । रामेछापमा लोकतान्त्रीक बाम गठबन्धनका उम्मेरद्वार एव. नेपाली कांग्रेसका सभापती पुर्णबहादुर तामाङ्ग (कान्छाराम) ले नेकपा एमालेका उम्मेरदवार कैलाश ढुङ्गेललाई ५ सय ३८ मतले पछि पार्दै अग्रता लिएको छ ।जम्मा ३५ सय ३१ मत गणना गर्दा कान्छाराम तामाङ्गले ५ सय ३८ मतले अग्रता लिएको छ । कांग्रेस उम्मेरदवार तामाङ्गले १७ सय १९ मत ल्याउदा एमाले उम्मेरदवार ढुङ्गेलले ११ सय ८१ मत प्राप्त गरेको मुख्य निर्वाचनको कार्यालय रामेछापले जनाएको छ । यो मत उमाकुण्ड गाउँपालिका १,२,३ सम्मको हो ।
कास्की । चित्रबहादुर केसी नेतृत्वको राष्ट्रिय जनमोर्चा पार्टी बाग्लुङमा अग्रता कायम गरिरहँदा प्युठानमा भने पछाडि परेको छ । बाग्लुङ–१ मा ९३०२ मत गन्दा जनमोर्चाका चित्रबहादुर केसीले ३३४९ मत ल्याएर अग्रता कायम गरिरहेका छन् ।दोस्रो स्थानमा रहेका एमालेका सूर्य पाठकले ३३४० हजार मतले पछ्याइरहेका छन् । सत्तारुढ गठबन्धनका उम्मेदवार केसी एमालेका पाठकभन्दा मात्र नाै मतसहित अगाडि छन् । प्युठानमा भने एमालेका सूर्य थापाले राजमो अध्यक्ष दुर्गा पौडेललाई झिनो मतले पछि पारेका छन् । थापाले ८८२ मत ल्याउँदा पौडेलले ५६७ मत ल्याएकी छन् । दुर्गा सत्तारुढ गठबन्धनकी साझा उम्मेदवार हुन् । जनमोर्चाले सत्तारुढ गठबन्धनको भागबन्डामा प्युठान र बाग्लुङ गरी दुई स्थान प्राप्त…
महोत्तरी । महोत्तरी क्षेत्र नम्बर १ मा माओवादीका उपमहासचिव गिरिराजमणि पोखरेलको चर्चा चलिरहेको वेला उनलाई एमालेका लक्ष्मी महतोले पछि पारेका छन् । अहिलेसम्मको मतगणनाअनुसार महतोले २८३० मत पाएका छन भने पोखरेलले २१७१ मत ल्याएर पछ्याइरहेका छन् । गौशालाको नगरपालिकाको वडा न. १ र २ को मतगणना सकिँदा पोखरेल ६४९ मतान्तरले पछाडि परेका छन । लोसपाका अध्यक्ष महन्थ ठाकुरलाई पनि क्षेत्र नम्बर ३ मा स्वतन्त्र उम्मेदवार रामआधार कापरले पछि पारेका छन् । क्षेत्र नम्बर ३ बाट चुनावी प्रतिस्पर्धामा रहेका उनभन्दा कापर १००८ ले अघि छन् । क्षेत्र न. ४ मा भने मतगणना सुरु भएको छ । औरहीबाट मतगणना सुरु भएको निर्वाचन…